講到高知縣嘅桂濱，好多人會聯想到陽光與海灘。但其實除咗海灘，桂濱仲有好多觀光名勝。今次小編就要為大家介紹桂濱，其附近嘅推薦觀光景點同去桂濱嘅交通方法。諗緊出發去桂濱觀光旅行嘅你，過嚟睇吓啦！
高知代表性景點：桂濱公園
高知縣具代表性嘅觀光名勝。海灘同水族館一帶，統稱「桂濱公園」。可以喺呢一片廣闊嘅海灘度過一段靜謐時光。附近設有紀念品店，可以滿足你購物慾望。雖然上年受到颱風影響，一部分地區被設為禁止進入，不過水族館同紀念品店照常營業，唔使太擔心。任何時段前往桂濱公園都可以欣賞到美景、特別推薦黃昏時段。於夕陽映照下嘅大海更顯美麗，大受好評。
景點資訊
- 景點名稱：桂濱公園
- 地址：高知縣高知市浦戶9
- 交通方式：於土佐電（とさでん）交通巴士「播磨屋橋」乘搭往桂濱方向嘅巴士約35分鐘車程
- 是否提供Wi-Fi :沒有
- 對應語言：僅限日文
- 票價：免費
- 可否使用信用卡：不支援
一家大細、男女老幼都啱玩嘅桂濱水族館
桂濱水族館就喺桂濱沙灘隔離，於1931年4月創立而成，大約有90年歴史，長期都受大眾愛戴。水族館規模雖然細，但可以觀賞到250唔同種類、7000隻以上嘅海洋動物。而且會定期舉辦各式各樣嘅活動，例如表演，餵食體驗以及同企鵝合照等。同埋就喺桂濱隔離咋嘛，去海灘浪漫散完步再嚟呢度玩都唔錯吖！
景點資訊
- 景點名稱：桂濱水族館
- 地址：高知縣高知市浦戶778
- 交通方式：從JR「高知站」乘搭前往桂濱嘅巴士約30分鐘
- 是否提供Wi-Fi：沒有
- 對應語言：設有英文地圖
- 票價：大人1,200円、中小學生600円
- 可否使用信用卡：不支援
日本歷史文化探究地點—高知縣立坂本龍馬記念館
高知縣立坂本龍馬紀念館為紀念土佐出身嘅坂本龍馬。重現坂本龍馬當時被暗殺嘅房間，所屬海援隊嘅軍隊規章等大量歷史性資料。由於上年進行過翻新，比起以前有更多資料可以閱覽。入口仲擺設咗可以同坂本龍馬握手嘅銅像，作為影相打卡景點非常受歡迎！
景點資訊
- 景點名稱：高知縣立坂本龍馬紀念館
- 地址：高知縣浦戸城山830
- 交通方式：從JR「高知站」乘搭巴士，於「龍馬記念館前」落車後，徒歩2分鐘
- 是否提供Wi-Fi：沒有
- 對應語言：設有平板電腦協助導覽
- 票價：特別企劃展覽舉辦期間700円、常設展覽期間490円
- 可否使用信用卡：不支援
從高知龍馬機場出發去JR高知站嘅交通方法
從高知龍馬機場出發去JR高知站，推薦乘搭機場巴士。車費720円、約30分鐘即可抵達。另外因為距離都唔算好遠，都可以考慮一下搭的士，不過車錢可能會變得貴好多，咁就再睇情況自行衡量喇。
Comments