四國旅遊必推必去高知市周邊。高知市周邊有好多「下町散策」（於下城遊覽散步），魅力十足嘅景點。本文將介紹3個高知必去景點、周邊人氣日式餐廳同前往高知市嘅交通方法。你可以感受到彷如身處日本江戶時代嘅感覺，有機會就唔好錯過，要去行吓喇。
舊山内家下屋敷長屋
舊山内家下屋敷長屋係屬於國家指定重要文化財產建築物，係可以從中感受到日本傳統住宅嘅一大景點。江戶時代嘅長屋建築能夠保留至今喺日本嚟講都好罕見，所以有機會一定要去睇睇啦。長屋中嘅建築材料、尺寸、空間、內外觀都也保持原貌，令你如像處身江戶場景中。
景點資訊
- 景點名稱：舊山内家下屋敷長屋
- 地址：高知縣高知市鷹匠町
- 交通方法：JR高知駅徒歩10分鐘
- Wi-Fi：沒有提供
- 入場費：免費
- 信用卡服務：可使用
大川筋武家屋敷資料館
大川筋武家屋敷資料館被指定為「有形文化財產」。係可以感受到江戶時代武士家族生活嘅珍貴景點。古代日本特色長屋門同庭園都仔細呈現，讓人感受到古代氣氛。資料館內展出了刀、掛軸等物品，種種武家嘅生活風景呈現眼前，令人覺得就好似坐時光機返到江戶時代去感受武家生活咁呀。如果想知多啲日本武士喺古時點生活就一定要嚟呢個景點了解多啲啦。
景點資訊
- 景點名稱：大川筋武家屋敷資料館（大川筋武家屋敷資料館）
- 地址：高知縣高知市大川筋
- 交通方法：從JR「高知站」步行大約7分鐘
- Wi-Fi：無提供相關服務
- 入場費：免費
- 信用卡服務：沒有提供
播磨屋橋（はりまやばし）
播磨屋橋（はりまやばし）位於高知中心的下城，係具有代表性嘅觀光景點。江戶時代感重嘅紅色欄杆同堀川（河川），係旅遊攰咗順道影張靚相後休息片刻嘅最佳場所。仲可以趁機睇到當地街傳戶曉、日本戀愛故事「よさこい物語」中8分鐘嘅「純信與阿馬」故事，聽著「よさこい節」童謠，體驗更多唔同旅程經歷。係去高知旅行可以考慮列入行程嘅其中一個景點！
景點資訊
- 景點名稱：播磨屋橋（はりまやばし）
- 地址：高知市はりまや町1丁目
- 交通方法：JR高知站徒歩10分鐘
- Wi-Fi：無提供相關服務
- 入場費：免費
- 信用卡服務：沒有提供
日式料理亭「得月樓」
喺高知要去日式料理亭的話推薦「得月樓」！採用和式茶室（數奇屋造）嘅構造，好日本FEEL吖！可以品嚐到採用山海大自然嘅天然食材製作嘅懷石料理。仲可以一次性欣賞日式庭園、日本書墨筆畫等，充分感受到日本風情，所以好推薦你去呀。
景點資訊
- 景點名稱：得月樓（とくげつろう）
- 地址：高知縣高知市はりまや町
- 交通方法：JR高知站徒歩10分鐘
- 信用卡服務：VISA, JCB, ダイナース, AMEX, MASTER
去JR高知車站嘅交通方法
東京成田機場同關西國際機場都有航班直飛去高知龍馬機場，之後可以從機場乘搭機場巴士到高知車站。
Comments