「雕刻之森美術館」係一間充分利用箱根豐富的大自然環境而立嘅露天美術館。可以享受箱根四季大自然嘅變化同時欣賞藝術。於具開放感嘅用地展出多個彫刻作品，可以近距離欣賞來自世界各地聞名雕塑大師嘅作品。另外，仲展出體驗型嘅藝術作品，大人細路都絕對可以享受其中。
箱根雕刻之森美術館新發現！欣賞戶外展覽
箱根雕刻之森美術館於1969年開館，係日本第一間露天美術館。位於可以眺望箱根群山一帶。於7萬平方米綠意盎然嘅庭院內，常設展出近現代雕塑大師約120件名作。可以一邊近距離欣賞作品嘅同時一邊散步，喺四季變化嘅空間欣賞藝術。另外，藏有畢加索嘅多件作品，逐一公開世界有屈指可數嘅收藏品。有部分造型作品更加可以俾小朋友入去玩，大受小朋友好評。庭院內設有Café同天然足湯，喺享受藝術嘅同時悠閒地度過午後時光。
箱根雕刻之森美術館好去處
箱根雕刻之森美術館嘅重點係喺廣闊嘅庭院內擺放咗好多雕塑作品。可以近距離欣賞Rodin、Bourdelle、Moore等世界級名師嘅作品。由於擺設於戶外，唔只雕塑作品，仲可以同時欣賞埋四季不同嘅景色。館內藏有319件畢加索嘅作品，可欣賞到以不同技巧製作出以陶藝為主嘅作品。於「畢加索館」逐一公開（直到2019年７月為止裝修中）。體驗型藝術品則提供機會俾小朋友近距離接觸藝術，開開心心咁去玩。
沿著螺旋階梯登上莊嚴嘅彩色玻璃塔，絕對係一個超正嘅影相打卡位。
箱根雕刻之森美術館開館時間
開館時間為9:00〜17:00 （全年無休。閉館30分鐘前截止入館）。入館費用為大人1600円、大學生及中學高中生1200円、中學初中生及小學生800円。設有投幣式儲物櫃。提供英文語音導覽（需額外付費）。
點去箱根彫刻之森美術館呢？
從羽田機場乘搭京急線於品川站落車，再乘搭新幹線或JR可抵達「小田原站」。從小田原站乘搭箱根登山鐵道，於「箱根湯本站」落車。乘搭往強羅方向嘅箱根登山鐵道，於「彫刻之森」站落車，徒歩約2分鐘即可抵達。
景點資訊
- 景點名稱：箱根彫刻之森美術館
- 地址：神奈川県足柄下郡箱根町二ノ平１１２１
- 交通方式：小田原站→箱根湯本站→箱根登山鐵道「彫刻之森」站落車、徒歩2分鐘
- 可否使用Wi-Fi：不可以
- 對應語言：限日文（提供外語語音導覽）
- 購票方式：美術館售票處或便利店
- 信用卡：不支援信用卡
Comments