橫濱日清杯麵博物館透過展覽展示出杯麵嘅歷史同杯麵創造人安藤百福先生嘅「創作思維」，俾大家從眾多展示品同體驗中學習其思維與想法。館內仲可以自己親手製造世界上獨一無二嘅原創杯麵，大受歡迎。從東京出發交通方便，值得大家到此一遊。
有關橫濱日清杯麵博物館
杯麵係由日清食品創業者安藤百福先生所發明，風靡全球。橫濱日清杯麵博物館就透過展覽展出杯麵嘅歷史及杯麵創造人安藤百福先生嘅「創作思維」俾大家從眾多展示品同體驗中學習其思維與想法。仲可以喺工作坊體驗製作世上第一款杯麵「雞湯拉麵」（需要事先預約），從製造麵條到杯麵杯身設計，就連湯同配料都可以憑自己喜好揀選，親手製造世界上獨一無二嘅杯麵係大受大人細路歡迎㗎。
其他仲有為小朋友而設嘅室內遊樂區，亦有得睇介紹安藤先生生涯嘅CG動畫。另外，仲可以喺充滿亞洲氣氛嘅空間中品嚐來自世界各地嘅杯麵（專區需額外收費）。大阪府池田市亦有「安藤百福發明紀念館 大阪池田」。去大阪，京都，神戸旅行時，不妨將佢列入行程啦！
喺杯麵館親手製作杯麵體驗
博物館內有可以親手製造雞湯拉麵嘅工作坊「雞湯拉麵工廠」。將麵搓好，拉長，蒸熟之後調味，再將麵條晾乾嘅杯麵製作可以體驗。製成品可以帶返屋企享用。費用方面中學生或以上為500円，小學生則為 300円 (含税、未包博物館入場費用)。設有年齡限制，未就學孩童仲未可以體驗，小學生或以上就無問題。一日有8場，每場限48人。時間由10:15至17:45，所需時間約90分鐘。可以透過網上或電話事前預約，希望體驗日嘅3個月前同一日10:00至希望體驗日前一日嘅18:00之間受理報名。如果當日有空位，可以即場到「橫濱日清杯麵博物館」3樓嘅「雞湯拉麵工廠」直接報名。但兩人以上的話當日網上或電話預約不受理。
如何抵達橫濱日清杯麵博物館呢？
從東京出發前往
從東京出發前往嘅話，於JR「品川站」乘搭東海道本線（約17分鐘），於「横浜站」落車。再喺橫濱站轉乘未來港線（約3分鐘）到達「未來港站」後徒歩約8分鐘抵達。
從大阪出發前往
從「大阪站」乘坐新幹線於「品川站」落車。於JR「品川站」乘搭東海道本線（約17分鐘），於「横浜站」落車。再喺橫濱站轉乘未來港線（約3分鐘）抵達「未來港站」徒歩約8分鐘抵達。
景點資訊
- 景點名稱：橫濱日清杯麵博物館
- 地址：神奈川縣横浜市中區新港2-3-4
- 交通方式：從未來港線「未來港站」徒歩8分鐘抵達、或從JR・地下鐵「櫻木町站」徒歩12分鐘抵達
- 是否提供Wi-Fi :有
- 語言：英文,中文,韓文
- 購票方式：入館時購票
- 可否使用信用卡：不支援信用卡
Comments