無印良品（MUJI）喺全球都受到好多人喜愛，唔只亞洲地區，全球各處都可以睇到無印良品嘅蹤跡，所以，日本嘅店鋪都相當受外國人歡迎。
今次要同大家介紹喺銀座新開幕嘅旗艦店，地面10層樓同地庫1層，可以講係全球最大規模嘅MUJI。當中，從6樓到10樓仲要係日本首間酒店「MUJI HOTEL GINZA」。就跟著小編一齊嚟睇吓各層樓嘅特色啦。
B1：MUJI Diner（無印良品 食堂）
地庫1樓嘅「MUJI Diner」係以「簡樸餐食」為主題，提供對身體無負擔又美味嘅餐點。
早、午、晚三餐各提供不同嘅菜色任你選擇，以蔬菜為主仲有好多豐富嘅海鮮同肉類料理。
講到銀座，應該有好多人會覺得呢度嘅餐廳價格都好貴啦，但係「MUJI Diner」嘅價格親民，而且從朝早7點半一直供應到夜晚10點，對外國觀光客嚟講，唔怕太夜搵唔到嘢食。
「MUJI Diner」7點半至11點提供早餐，價錢係500円起；11點至下午5點則供應午餐，價格從850円起；而5點至夜晚10點就係晚餐時段。
1樓：便當・麵包坊・蔬菜水果等食品
1樓提供蔬菜・水果・食品等。想喺旅行途中節省時間嘅人，好推薦嚟呢度買便當或喺麵包坊買個麵包帶走食呀！
便當專區
「無印良品 銀座」嘅每日精選便當充分利用食材本身嘅味道，且不使用化學調味料，含稅售價750円，當地美食便當650円。
麵包坊
「無印良品 銀座」嘅麵包坊從朝早7點半開始營業，新鮮出爐嘅麵包，最適合好早就要出發去玩，或者無時間食早餐嘅人。
果汁吧
更特別嘅係，仲有販售當造蔬菜水果打成嘅鮮榨果汁，都係買完之後即場製作㗎。
調茶工房
鍾意飲茶嘅你就絕對唔可以錯過呢一區！提供32款特調茶，喺落order後先開始調配，唔單止可以親眼睇到製作過程，仲可以品嚐到現整嘅新鮮茶飲。
2樓：男裝・女裝・包包與「MUJI Labo」
2樓主要販售衣料品，賣場係用線同布料等佈置，非常好認且讓人留下深刻印象。
另外，呢度販售嘅服飾就算帶返屋企都唔怕無用武之地，所以都有好多人買服飾返去送俾親朋好友㗎。
3樓：內衣・美容保養・文具・旅行用品
3樓陳列日常生活著嘅內衣、美容保養用品、文具同旅行用品等。
嚟到日本旅行時其實可以乜都唔帶，因為去一轉「無印良品 銀座」就通通都買得到！
4樓：家具・廚具餐具・桌椅・MUJI BOOKS
4樓係陳列廚具・餐具同家具等嘅樓層。
然後，鍾意睇書嘅人，都可以喺MUJI BOOKS買本書返屋企睇呀。
5樓：室內裝飾・家電・清潔用品
呢一層仲設置咗「MUJI SUPPORT」，提供房間擺設、收納用具、裝潢房間嘅諮詢協助。
6樓：MUJI HOTEL GINZA・ATELIER MUJI
ATELIER MUJI
6樓係「ATELIER MUJI GINZA」，係一處傳遞無印良品展望未來嘅各種訊息嘅複合性設計文化基地。提供2個「Gallery」及「Salon」、「Library」、「Lounge」等6處空間，旅行玩到攰就可以喺「Salon」飲杯靚咖啡或美味嘅酒；又或者可以喺「Library」悠閒地睇本書度過。當中，「Salon」嘅營業時間從朝早10點到半夜2點，酒店房客以外嘅人都可以使用。
日本首間無印良品酒店「MUJI HOTEL GINZA」
日本首間無印良品酒店「MUJI HOTEL GINZA」，就坐落喺「無印良品 銀座」旗艦店嘅6樓至10樓。以適當價位提供舒適安眠，在旅途中能安頓身心嘅住宿空間，仲可以讓旅客自然地體驗當地生活嘅各項服務。
Type B
Type C
Type G
Type I
客房共有79間，提供各式各樣嘅房型。有塌塌米客房或者擺放雙層床嘅客房，可容納3人或4人嘅客房等等。
MUJI HOTEL GINZA
- 地址：東京都中央區銀座3-3-5
- 預約住宿方式：2019年3月20日（三）起，上MUJI HOTEL官方網站即可預約
- 所在樓層：6樓一部分至10樓
- 房價：14,900円～55,900円（含稅金、服務費）※依照不同房型，價格可能有所差異
Comments