神奈川縣嘅鎌倉，擁有神社佛閣，具有歷史嘅街道，而備受觀光客歡迎。唔止有具有歷史嘅建築物，靠近海傍，仲有可以享受海水浴以及行山等等各式各樣嘅觀光景點。鎌倉擁有史蹟及休閒設施等，魅力滿載。今次小編就要為大家介紹幾種可以充分享受鎌倉嘅登山路徑。
鎌倉登山路徑
鎌倉內有好幾種登山路徑。從初學者到專業者等等各式各樣嘅登山路徑。登山路徑位於自然嘅山道，登山鞋以及服装都係必要嘅裝備。以下要介紹其中3種登山路徑。
天園登山路徑
「天園登山路徑」全程約7公里，適合對自己嘅體力有自信嘅健腳登山者。被稱為「鎌倉ALPS」，擁有陡坡嘅山路。可以一邊行山一邊享受大自然。
葛原岡・大佛登山路徑
「葛原岡・大佛登山路徑」途經出名嘅大佛及神社佛閣，全程約3公里。可以同時造訪觀光景點，非常推薦。
祇園山登山路徑
「祇園山登山路徑」全程約1.5公里，可以喺山頂嘅見晴台（展望台）欣賞鎌倉美景嘅登山路徑。
登山路徑嘅特色
「天園登山路徑」被稱為「鎌倉ALPS」，擁有陡坡嘅山路，可以充分享受健行。同時，可以眺望鎌倉街道及大海為特色。「葛原岡・大佛登山路徑」則會途經鎌倉名勝「大佛」。另外，可以喺寺廟觀賞到梅花，櫻花，繡球花，紅葉等等、應時嘅花草樹木之美為特色。於「祇園山登山路徑」亦可以欣賞到梅花，水仙，繡球花，紅葉等等四季更迭嘅花朵。非常推薦從祇園山山頂眺望景色，由於會途經鎌倉嘅歷史遺蹟，特別推薦想感受鎌倉歴史嘅人。
去登山路徑嘅交通方式
可以從最近嘅車站徒步到登山路徑嘅起點。各登山路徑都設有各種起點，今次要為大家介紹最主要嘅起點。從JR「北鎌倉站」前往「天園登山路徑」今泉台住宅地行約40分鐘抵達。從JR「北鎌倉站」前往「葛原岡・大佛登山路徑」常智寺起點徒歩約15分鐘抵達。從JR「鎌倉駅」前往「祇園山登山路徑」八雲站入口徒歩約15分鐘抵達。
Comments