箱根強羅公園係被箱根群山所包圍嘅開放式公園。優美嘅法式庭園內種植咗各式各樣嘅花卉，作為觀光名勝非常受歡迎。另外，設有可以觀賞熱帶植物嘅溫室，貴重嘅茶室以及體驗工作坊等等，係一個特色滿載嘅觀光景點，俾大家可以喺呢度玩得充實玩得盡興。
箱根強羅公園
箱根強羅公園位於大自然豐富嘅箱根地區。位於神奈川縣嘅強羅於1914年開園，係日本首個法式日整型庭園。強羅公園係一個好好利用傾斜面建造嘅庭園。被群山環繞嘅開放式庭園內，種植咗各式各樣嘅花卉，可以喺呢度感受到四季更迭嘅景色。於溫室內可以觀賞草藥等熱帶植物。仲有被登錄為國家指定有形文化財嘅珍貴茶室。另外，仲可以喺庭園內嘅工坊體驗製作各式各樣嘅手工藝。
箱根強羅公園之特色
於箱根強羅公園可以觀賞櫻花，杜鵑花，繡球花等四季更迭嘅花卉。園内種植咗大量玫瑰，約有140個品種，1,000株於庭園鮮艷綻放。春天新綠秋天紅葉映襯下嘅景色最為推薦。春天最佳嘅觀賞時期為5月底至6月底，秋天嘅觀賞期間為10月中至11月頭。喺園内嘅溫室可以欣賞所種植嘅70種熱帶草藥植物。另外，可以參與一系列嘅體驗，例如園内設有茶室，可以付費品嚐抹茶，呢個輕輕鬆鬆就體驗到日本文化嘅活動深受歡迎。營業時間為10:00～12:00，13:00～16:00。其他仲有吹製玻璃，陶藝，製作裝飾品等等活動可以體驗。一於嚟呢度親手製作出世界獨一無二嘅原創作品啦！
箱根強羅公園嘅開園時間
開園時間為9:00～17:00（最終入園時間係16:30）。入場費用為大人550円、小學生以下免費。園内設有餐廳，Café，紀念品店等，可以喺呢度愉快地度過。
去箱根強羅公園嘅交通方法
想去箱根強羅公園可以從羽田機場搭京急線至「品川站」，在喺「JR品川站」轉乘東海道本線於「小田原站」落車。再從小田原站乘搭箱根登山鐵道至「箱根湯本站」落車。轉乘往強羅方向嘅箱根登山鐵道，於強羅站落車徒歩約5分鐘即達。
景點資訊
- 景點名稱：箱根強羅公園
- 地址：神奈川縣足柄下郡箱根町強羅1300
- 交通方式：於小田原站搭箱根登山鐵道至強羅站落車徒歩約5分鐘
- 是否提供Wi-Fi：有
- 對應語言：僅限日文
- 購票方式：當地售票販售， 限現金付款
- 可使用信用卡：VISA、JCB（僅可於餐廳，紀念品店以及體驗工坊使用）
Comments