三溪園係代表橫濱嘅人氣觀光景點之一。廣大嘅園地內種植花草樹木、四季更迭有唔同風情嘅景色可以一邊欣賞一邊散步。園內更有好多被日本國家政府指定為重要文化財嘅建築物，係一個可以近距離體驗傳統建築古蹟同歷史嘅觀光景點。
漫步三溪園！於橫濱參訪歷史古蹟建築物
三溪園係實業家「原 三溪」收買神奈川縣橫濱市三溪園一帶土地，並於1906年開放嘅庭園。占地廣大，約有175,000平方米，從1902年左右開始興建，陸續從京都及鎌倉等地移建具有高度歷史價值嘅建築物。於1914年、1922年外苑及内苑分別興建完成。其後，喺戰爭中受到相當大嘅損害。1953年原氏家族將三溪園捐贈俾橫濱市，進行復原建築工程後，呈現出現今嘅三溪園風貌。整頓後嘅園內有池塘同四季應景嘅花草樹木，配合花季亦會舉辦相關活動。
三溪園嘅推薦景點
園內有指定為重要文化財嘅10棟建築物，可以近距離觀賞具有高度歷史價值嘅古老建築物。建築物內部平常並不開放參觀，但喺特別活動期間有機會進入參觀。此外，園內一年當中隨著四季有唔同嘅花木盛開，唔同季節可欣賞唔同風情嘅景色。春天賞櫻花或紫藤、夏天有蓮花同繡球花、秋季有銀杏同楓紅等等，冬季可以欣賞山茶花同梅花，四季有好多美麗嘅花卉妝點著庭園色彩繽紛。參觀三溪園預計所需時間方面，如果想悠閒地漫步欣賞成個庭園大約需要2個鐘。園內有3間餐廳、提供日式料理同甜品。喺紀念館嘅大廳亦可以付費品嚐抹茶。紀念品商店則有販賣原創商品同零食等等。
三溪園參觀指南
三溪園嘅開放時間為上午9點至下午5點，最後入園時間至閉園前30分鐘前為止。休息日為12月29日至12月31日（偶然有臨時休園嘅日子）。入園門票為成人（中學高中生或以上）700円、兒童（小學生至中學初中生）200円。有免費為遊客介紹三溪園好去處嘅導覽義工。英語導覽為逢星期一、三、四、六、日（12月29日至1月3日期間暫停）。導覽時間為下午2點開始。所需時間大約為1個鐘。導覽上限人數為20人。以天候狀況及義工嘅活動狀況而定，偶然會有暫停實施嘅情況。
抵達三溪園嘅交通方式
三溪園離最近嘅車站徒步有啲距離，因此建議乘搭巴士等公眾交通工具。從橫濱站乘搭市區巴士至「三溪園入口」站落車後徒步約5分鐘。
景點資訊
- 名稱：三溪園
- 地址：横濱市中區本牧三之谷58-1
- 交通方式：從横濱站乘搭市區巴士，車程約35分鐘，至「三溪園入口」落車後徒步約5分鐘
- Wi-Fi：提供
- 語言：可用英文溝通
- 門票：於正門嘅窗口販賣
- 信用卡：無法使用
Comments